Descubre a maxia do famoso Galo de Barcelos, símbolo de Portugal, confeccionado artesanalmente por Xogo de Fíos. Trátase dun proceso de creación realmente singular, no que tan só intervén a habilidade manual e o tacto que posúe Lorena para dar maxia a cada deseño. Esta técnica artesanal de fiado basease na creatividade e a diferenciación do produto; sempre con énfase nos valores transversais de igualdade, inclusión das persoas con discapacidade e a sustentabilidade co medio ambiente.
 
Esta peza artesanal única combina a máxica tradición portuguesa coa beleza da artesanía. A través de cada fiada pretendemos facer un tributo cultural ós nosos irmáns e veciños máis queridos. Este galo que simboliza a boa sorte, a xustiza e a prosperidade é o emblema de Portugal e hoxe démoslle vida para que conte a súa propia historia. Asemade, a base de madeira branca resalta o vibrante deseño fiado deste galo con tanta tradición. Sen dúbida, pode ser un recordo perfecto da túa visita a Portugal ou para quen aprecia a historia fusionada coa modernidade. Boa sorte!
 
CARACTERÍSTICAS:
Materiais: fío de finca (algodón 100%), cinta de dobre cara, prato de madeira, cola branca, verniz mate ecolóxico e pintura branca en aerosol e colgadoiro.
Deseño: Galo de Barcelos confeccionado con fío sobre prato de madeira.
Dimensións: 30cm diámetro e 2cm grosor.
Bases: polo formato do deseño empregamos madeira, pero no caso que prefiras outras bases (cadro ou tablilla) recoméndase contactar.
 
O TEU GUSTO: en Xogo de Fíos creemos na individualidade, na singularidade e na creatividade; por iso tes opción de personalizar (deseño, cor, tamaño, base) para que se adapte perfectamente o teu estilo. Contáctanos para converter a túa idea en realidade! 
 
BENEFICIOS:
Singularidade: peza decorativa que combina arte e simbolismo cultural.
Distinción: a beleza e elegancia deste emblema de Portugal é innegable, pero o verdadeiro valor engadido do produto radica na confección a través do tacto.
Proceso manual: trátase dunha obra confeccionada totalmente a man, sen que medie ningún tipo de maquinaria. O tacto é o instrumento de traballo.
Referente artístico: atendemos minuciosamente cada detalle do proceso, sendo conscientes da dedicación que implica esta técnica e ofrecemos a opción de personalizar sempre que sexa posible.
Sustentable co medio ambiente e de calidade en canto a materiais e servizos.
Ideal como agasallo para amantes da cultura portuguesa.
 
PREZO: 30€ (IVA incluído) + gastos de envío a toda España.
 
POLÍTICA DE DEVOLUCIÓN:
Debido a ruptura do produto ou mala calidade do mesmo, aceptamos devolucións nos 14 días naturais posteriores á súa recepción, asumindo desde Xogo de Fíos o custo de dita devolución.
Se o cliente rexeita o produto por motivos persoais, aceptamos devolucións nos 14 días naturais posteriores a recepción do mesmo, asumindo o cliente dito custo. 
 
Valora cada peza como unha obra única de arte inclusiva!