Non sei si recordarédes que hai un par de meses fun ao CEIP Plurilingüe de Seixalbo (Ourense) para impartir un obradoiro de artesanía. Naquel momento, traballamos con alumnado de 2º e 5º de Primaria para ensinarlles a técnica básica do tapizado. Pois ben, entre aqueles cativos estaba Mateo, un alumno de 2º que gañou o X Certame de debuxo, conto e relato “Falando de solidariedade”, coa seguinte proposta:

Antes de nada quero mandarlle a máis enorme enhoraboa a Mateo por este premio!!! Non puiden máis que emocionarme ante as palabras de Mateo e as da súa profe Loli cando me comunicaron a noticia, xa que mateo incluso me describiu con todo detalle como era o debuxo. Realmente foi un auténtico orgullo formar parte disto! Parece que Mateo quedou tan abraiado coa miña historia e coa artesanía que decidiu plasmar esta inclusión no seu debuxo. Este é un moi bo exemplo de que educar en inclusión, igualdade e respeto á diversidade fainos unha sociedade máis humana. Os nenos e nenas están constantemente dándonos auténticas leccións de vida. Aprendamos xuntos! Gracias Mateo por tanto!